الجمعة، 1 مارس 2013

فوت نام لزياد الرحبني

قوم فوت نام .. وصير احلم
أنو بلدنا صارت بلد

قوم فوت نام .. هالأيام
حارة بيسكرها ولد

هاي بلد ؟؟ لأ .. مش بلد
هاي قرطة عالم مجموعين
مجموعين ؟؟ .. لأ
مطروحين ؟؟ .. لأ
مضروبين ؟؟ .. لأ
مقسومين
قوم فوت نام .. وصير احلم

قوم فوت نام
كدوش الفرشة يلا قوام
وتغطى وسمك الحرام
وتمسى بنفس الكلام
تابع برامج بالسكام

كلها أغاني عن الوحدة الوطنية
كلها أماني في المسيرات الأمنية
كلها تهاني في صيغتنا اللبنانية

وقوم فوت نام

ماهو تلات ملايين
عالتخمين
هودي اللي جوة البلد
والباقيين مفروطين
كل شوية في بلد

هاي بلد ؟؟ لأ مش بلد
هاي قرطة عالم مجموعين
مجموعين ؟؟.. لأ
مطروحين ؟؟.. لأ
مضروبين ؟؟.. لأ
مقسومين ؟؟.. لأ
قوم فوت نام .. وصير احلم

ليست هناك تعليقات:

إرسال تعليق