الزواج المدني بصوت محمد اسكندر وكلمات فارس اسكندر

أصدر الفنان محمد اسكندر أغنية جديدة بعنوان “ماري روز” كلمات فارس اسكندر، ألحان سليم سلامة وتوزيع فادي جيجي.

يعبر اسكندر في هذه الأغنية عن وجهة نظر فئة كبيرة من الشعب اللبناني المطالبة بإقرار قانون الزواج المدني في لبنان، فالاغنية إذاً تحمل موضوع إجتماعي ولكن على طريقة فارس الذي حبك كلمات الأغنية بطريقة أكثر من رائعة، واعطاها سليم سلامة نكهة من ألحانه ليغنيها أبو فارس على طريقته العفوية، فتكون قنبلة نتمنى أن تنفجر في أذان السياسيين في لبنان.

 

كلمات الأغنية:

 

 

أكبر غرام بهالارض لازم يتحول علني
ما قبلوا نتجوز بعض بكرا منتجوز مدني
أحسن ما الأيام تمر وأحسن ما نغلط بالسر
ولا نتفارق من غير شر ولا نطلب منهم حسنة

شو فيها إن كنت محمد
 و إن كنتي ماري روز
بدمع عيونك بتعمد
 والفرقة ما بتجوز
و دم إللي بعروقي تجمد
بس قالوا الدنيي حظوظ
إنتي حظي وما بعوفك
 لو برصاص نرشيت

بعرف قراري مش سهل،
إتكلي عليي و ما يهمك
بالنسبي لموضوع الأهل،
امي بتروق امك
بيي و بيك على كل حال
 حفيدن بيهدي البال
و بيسامحنا كل مين قال
 رح يهدر دمي و دمك
حرام يتفرق قلبي
 وقلبك باسم الدين
يا عالم، الله محبة
 لا تلوموا المغرومين
في ناس أوضاعن صعبي
 وعالليرة مخنوقين
مصاري سهرة خطبة
 بيدفعوهن قسط البيت

إنتي عمري و النا حقوق،
احساسك مع احساسي
قلبي لقلبك مخلوق
 وراسك بيفهم راسي
إنسانة حبت إنسان
 هاي منا قلة إيمان
لا بتأثر على لبنان
ولا على رجال السياسة
بدن ننطر بلدنا تا يحل مشاكلو
منكون بالتخت رقدنا وبعدن يتقاتلوا
و منعيش بالحد الأدنى عالمرّ وعالحلو
لو كان ما بكفينا خبز وزيتون و زيت