الثلاثاء، 17 نوفمبر 2015

حوار طائفي

- انت سني وللا شيعي؟
- كوكتيل.
- كوكتيل!
- ايه، كوكتيل.
- شو يعني كوكتيل؟
- يعني أبي كوكتيل.
- أبوك كوكتيل؟
- اي، أبي كوكتيل.
- يعني طالع لأبوك؟
- لأ، يا ريت طالع لأبي.
- كيف يعني؟
- أبي أمو علوية، بس أبوه سني.
- يعني انت سني.
- لأ.
- كيف لأ؟
- لأن أمّي غير امو؟
- شو يعني؟
- إمي درزية، وامو علوية.
- امك درزية؟
- لأ، لأن إما مسيحية.
- يعني ستك درزية؟
- لأ، لأن إما لستي مارونية.
- شو هالخبيصة؟
- ما قلتللك كوكتيل؟
-انت كوكتيل؟ انت كوكتيل مولوتوف.
- بكفّي؟
- شو بدّك تجلطني؟ لأ ما تكفيلي. صار راسي من حكيك كوكتيل.

ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.