بدأ اليوم معرض الكتاب في بيروت في بيال. وهو معرض يستحق الزيارة. وليس بالضرورة ان يذهب المرء لشراء الكتب. لا اكراه في الشراء، وليس هناك من عقاب لمن لا يشتري كتابا، روحوا " كزدروا"، اعملوا "سيران"، تفرّجوا ، الفرجة ببلاش، حلو الواحد يعرف شو في كتب جديدة نزلت ع السوق،. شدّوا الهمّة، بيلحقن ثواب، وللا اسمنا امة إقرا ع الفشفاش؟ عندك ولد زغير، جبلوا كتاب، عودوا شو يعني يروح ع معرض الكتاب. الكتاب مانو بعبع! ما شفت كتاب أكل زلمي، أو خطف ولد، أو طلع من صفحاتو قنّاص، أو عبوة ناسفة.
في ناس بضحكوني، بروحوا ع المعرض وشو بيقولوا؟ ما لقينا شي! واللي بيقول هيك، يا واحد كذّاب، يا واحد جاهل، يا واحد كحتي ما بيطلع عن الضريبة.
اختصر القصّة، نحن أسوأ أمّة اخرجت للناس اليوم، لأننا أسأنا علاقتنا مع القراءة، ومع المعرفة، كتار مفتكرين ذكاهن بيغني عن القراءة، نزلوا من بطن امّاتن فلاسفة، وخاتمين العلم، دايما بيقول، يا عمّي افترض واحد بياع فلافل، ينزل يبرم ع شي كتاب بيحكي عن الفلافل. شو بيخسر؟ يمكن يتعلّم يزبّط قرصو احسن، حلوة الثقافة بكلّ شي. مرّا كتبت عن طرّاش بس ما كان طريش، كان ما يوقف قدّام سطل البويا متل السطل، كان يقرا شو مكتوب ع السطل، صار خبير مع الوقت، بالكيمياء والالوان وبالأخير اخترح بويا بتدفّي.
ولهون بكفّي.
كل معرض وانتو بخير!
في ناس بضحكوني، بروحوا ع المعرض وشو بيقولوا؟ ما لقينا شي! واللي بيقول هيك، يا واحد كذّاب، يا واحد جاهل، يا واحد كحتي ما بيطلع عن الضريبة.
اختصر القصّة، نحن أسوأ أمّة اخرجت للناس اليوم، لأننا أسأنا علاقتنا مع القراءة، ومع المعرفة، كتار مفتكرين ذكاهن بيغني عن القراءة، نزلوا من بطن امّاتن فلاسفة، وخاتمين العلم، دايما بيقول، يا عمّي افترض واحد بياع فلافل، ينزل يبرم ع شي كتاب بيحكي عن الفلافل. شو بيخسر؟ يمكن يتعلّم يزبّط قرصو احسن، حلوة الثقافة بكلّ شي. مرّا كتبت عن طرّاش بس ما كان طريش، كان ما يوقف قدّام سطل البويا متل السطل، كان يقرا شو مكتوب ع السطل، صار خبير مع الوقت، بالكيمياء والالوان وبالأخير اخترح بويا بتدفّي.
ولهون بكفّي.
كل معرض وانتو بخير!
ليست هناك تعليقات:
إرسال تعليق