حواضر الخواطر

كتبها بلال عبد الهادي ، في 31 تموز 2010 الساعة: 12:14 م

1. ما بعرف ليش حيط الشعر واطي مش متل حيط النثر. كل واحد بيكتب كلمة او كلمتين على السطر بقول عم اكتب شعر. يعني الشعر حينتّف شعر راسو، يعني مع الوقت حيصير الشعر ع"زيرو"
2. قريت متل عجبني: قال أطول من العملاق قزم راكب عكتافو
3. في إجْرين بتمشي ع الطريق ، وفي إجْرين بتعمل طريق.
4. هل من علاقة بين الرجولة والأقدام ؟ قد يبدو السؤال غريبا، ولكن ما علاقة الرَّجُل بالرِّجْل والشجاعة أليس لها علاقة بالأقدام؟ وإلاّ ما معنى الإقدام؟ الخلاف أكثر من فتحة وكسرة.
5. اللي بشوفك بعين شوفو بعينتين ، واللي ما بشوفك بعتقد مانو محتاج لعيونو، خدن منو واعطيّن لأعمى آدمي، لأن بعرف عميان زعران.
6. الآدمي العامل حالو أزعر أحسن من الأزعر العامل حالو آدمي .
7. القاعد (مع حالو ) مش متل القاعد( لحالو).
8. بقولوا "حكي نسوان" بس بقولوا "كلام رجال". شو الفرق بين الحكي والكلام؟
9. الواحد بلا كهربا بحس حالو مكهرب.
10. في ناس بالوج مرايي وبالقفا كمان مرايي ، بس قلال
11. ضارب حالو بحجر كبير منشان هيك بتلاقيه مطووش.
12. ضع قدمي خصمك في المياه الباردة ليسهل حرقه.
13. من كان منكم بلا خطيئة فليرجم نفسه بحجر.