رجل من لبنان

- ما هي الجرائد المفضلة لديك؟
- الجرائد التي تخالف توجهاتي.
- شو يعني؟
- يعني بقرا " الأخبار" و" المستقبل".
- كيف هيك؟- شو كيف؟
- يعني انت مع مين؟
- مع الرأي الحرّ.
- شو عم تحكي يا عمّي!
- متل ما عم قلّك.
- العمى.
- ليش؟
- انّو يعني انت ضدّ مين؟
- ضدّ الطائفية.
- ما فهمت.
- ما ضروري تفهم، ليش حابب تكون غير شكل . خلّيك " شكل" و" جغل".
- لأ عم تتفلسف ما شبك شي.
- اهين الشي انّو تتفلسف بهالبلد. ما افلاطون وارسطو وسبينوزا وديكارت وهيغل وسارتر كلّن من عنّا.
- العمى اسبقتوا لسعيد عقل.
- ليش سعيد عقل من عنّا كمان؟